2017(e)ko irailaren 12(a), asteartea

Nora joan da aitona?


Nik ez diot piperrik ulertzen amamari, aitita, urteen pasierarekin, higatzen doala esaten duenean. Eskola ikasi genuen behinola, harriak higatu egiten direla denboraren poderioz. baina nire aitita ez da harri bat; edo bai? Batzuetan hala ematen du, lozorroan dagoenean behintzat, ez baita ezertxo ere mugitzen.

Ikerrek helduei ulertzen ez dizkien mila kontu ditu. Izan ere, bere zapatak txikitzen doazen neurrian, edota bere oinak handitzen, aitonarenak baldartzen doaz... eta aitite jolasean hasten denean, helduek negar egiteko gogoa izaten duten. Etxekoak ezagutzen ez dituen plantak egiten hasi denean erabaki dute erresidentzia batera eramatea, baina aitona txantxetan ari da!



Bizitzaren legea era xamurrean kontatzen digun istorio hunkigarria da Alaine Agirrerena, Maite Gurrutxagaren ilustrazioek malenkoniaz betetzen dutena. Galdera guztientzat erantzun aproposa topatzea zein zaila den gogoratzen digu izenburuak, eta haurrek askotan egiten dituzte galdera zailak...

iruzkinik ez:

Argitaratu iruzkina